Manjek lagi...Broga Hill 2014

Suasasana kul 7.30am di Broga Hill

Kali ni..pagi pagi lagi dah ke sano.. dalam kul 6.50am..Tapi jalan jem..kul 7.15am gak sampai. Tak dapek nak manjek kalo golap.. Buek ponek jo bawak celait. Tak po..Next manjek kono lopeh subuh poi...

Sawit tompek park keto

Kali nie naik bawak DSLR 1100D den yang baru boli tujam. Cantik tak gamba yang den ambik??. Angin bapak kuek eh ateh sanun.. Ghaso nak tercampak dek kuek ehh.

Dah masuk kelima kali dah sey manjek bukit nie... Dah ghaso macam poi Tikey jo sekarang. Memulo dulu..tojolir gak jidah dek ponek ehhh.

I-City Shah Alam

Malam tadi lopeh tutup kodai... lebih kurang pukul 8.30 malam, kito worang sekeluarga pi ke Shah Alam menuju ke I-City Shah Alam. Bawak bebudak ni main- main lampu kek sinun.

Kiro best jugak. Tengok pokok berlampu. Ghamai worang time tu. Macam pesta la pulak. Nana ngan Angah main pembaling berlampu kek padang. Ado yg bawak kereto control.Ado yg macam campping. Yg nyato eh..bebudak suko le.

Tiap2 malam bukuk ko..tak tahu la pulak.. tapi yg nyato ehh free... Tapi pembaling dan telingo berlampu tu..kono boli la...