Manjek lagi...Broga Hill 2014

Suasasana kul 7.30am di Broga Hill

Kali ni..pagi pagi lagi dah ke sano.. dalam kul 6.50am..Tapi jalan jem..kul 7.15am gak sampai. Tak dapek nak manjek kalo golap.. Buek ponek jo bawak celait. Tak po..Next manjek kono lopeh subuh poi...

Sawit tompek park keto

Kali nie naik bawak DSLR 1100D den yang baru boli tujam. Cantik tak gamba yang den ambik??. Angin bapak kuek eh ateh sanun.. Ghaso nak tercampak dek kuek ehh.

Dah masuk kelima kali dah sey manjek bukit nie... Dah ghaso macam poi Tikey jo sekarang. Memulo dulu..tojolir gak jidah dek ponek ehhh.
Ingat lopeh nie nak jugak poi ke Gunung Tok Wan tu gak. Tongah cari geng nak ikut.. Ado yang brann tak??
Ghaso ehh kalau nak ke sano ..ikut jalan nie gak kot??.

Hero 2014..kuikuikui

Batu bersurat Broga

Ado macam Bruce Willis tak??

Bergambar dengan batu bersurat Broga

Salah satu lagi baru bersurat Broga

Camno bulih batu kocik tu di tenggek eh kek batu bosa tu???

Sign puncak Broga..nak bergamba...gamai na lak kek situ..den nak turun dah..

Ado yang baka somak kek ateh sanun..aduyaiii

Lagi tompek kono baka..

Apo-apo pun..memang best dapek manjek bukit nie..Ghaso eh kalori yang ilang samo gak mo jogging tapi senia dapek lihat keindahan alam lagi..Ciptaan Allah..Memang wonderfull....kuikuikui.