Memancing kat Lumut

 Pado 20hb May 2016.. pi mengikut Lan mo Lin pi Lumut memancing ikan. Ini first time den naik bot tongah2 laut memancing. Nasib den tak mabuk laut. Dapek ikan kocik2 jo..tapi dek first time eh..den pueh ati lah jugak tapi otai2 yg ikut sekali tu ngoba an tak ong ari tu. Biaso dia dapek ikan bosa2 longan katea.

 Lan ngoba an, lopeh ghayo ni nak repeat balik... siap tengok bulan melayu lagi nak tengok bulan ong untuk mancing. Pyan ngobaan nak ikut kali. Bia kali nie reunion Ex SMBK kat laut jo... huhuhuhuhu. Hj Daus pun nak ikut katea.. Best tul sok tu.. dapek ikan godang2 bulih buek gondang ikan kerapu..ye dah Lin??

Dapek pertamo kali tido tongah2 laut. Jadi nelayan sehari suntuk... Best gak. Mengopollo jo den kojo ehh. Mengopollo tu kou tau tak apo bondo eh?? Den pun baru tau istilah2 pemancing nie..Apollo lah..Botom lah.. yg den suko mengopollo jo..sonang.. Lopehkan tali sampai kat dasar laut..tunggu ikan makan...tarik... kok kono ong ehh sampai 5 eko naik sekali.

 Sebab first time mengopollo kan..den kiro gumbiro jo tu jam... Bulin dapeh gak 2 ikan godang.. huhuhu dia memang otai..lain lah...

Tunggu lopeh ghayo ne... sebab den dah naik taraf jadi pengopollo berpengalaman sehari kui kui kui