Maxis..Maxis...Den dah pakai lamo tul dgn Maxis nie..memulodulu pakai Prepaid... Peh dah meniago nie..pakai post paid. Ingat jimat le.. Memang macam2 perihal Maxis nie. Dah lah line eh macam siut. Ingat laie lamo pakai ado improve le sikit . Ghupo2 eh laie togruk. Skg kek Semenyih Pokan , kalau taun 2007 maso sey mulo2 meniago dulu..kiro ok la sikit.. Ghaso eh kalau org talipon kito..tak do sangat lah masalah eh doh. Donga la jugak. Skg nie.. bunyi tu bunyi.. kalau kito donga ..orang soboh sanun lak tak dongga.. Kek Ghumah lak..kono naik tingkat ateh baru ok..kalau kek bawah segupo yo deh... macam kek kodai den.. Buek report kek Maxis..ayat yg petamo dio kobaan .." Kita tak ado dapek sebarang komplen pasai Maxis toruk kek Semonyeh.. En cuba dalam 1/2 jam laie.. kalau masih tak ok ..hubungi kita laie"" koba ehh. Setongah jam???? dah tigo , ompek taun punyo masaalah..setongah jam jo dio nak settelkan..Osah lawak ehhh.
Bongang punyo pasai ..ingat nak convert ke Line Celcom..Tup tup org Celcom kobaan namo kito org black list kek Maxis. Osah bangang eh..Black List..tapi line tak kono potong lak..Siap baya laie tiap2 bulan. Komplain kek Maxis. Dio kobaan no sey black list sebab RM100 lum baya pada taun 2009. Gilo ko apo Maxis nie.,. Den kobaan kalau black list..yg den baya tiap2 bulan tu apo... Dio siap caba buek report polis sebab den kato.. Org Maxis buek siut kek akaun den..Peh tu dio check..Ghupo2 memang dio silap tak update den bayar dulo katea maso den nak gabungkan akaun den ngan wife den. Apo cerito.. Main Black list kan namo org..Dah tau dio silap..pandai lak dio mintak maap.. memulo kang main kerek tul dio. Osah den anti tul ngan Maxis...
So ..start bulan dopan den ucapkan lah sayonara kek Maxis yang hampes nie.. tapi nombo den totap den pakai nombo maxis hampeh tu walaupun den menyampah tul ngan maxis tapi nombo nie dah pakai lamo beb kui kui kui.
Bye Bye Maxis..............
Yang benar... Den yang kou anyanyo dagri 2009 dulu....
Tiada ulasan:
Catat Ulasan