Ramadhan tiba lagi 2019

Hari ni adalah Ramadhan yang ke sembilan boleh. Osah lamo den tak menulis kek Blog den ni... Alhamdulillah kerano Allah masih membori sey bersamo2 keluargo sey menyambut Ramadhan dan inshahAllah bakal menyambut Syawal dagi beberapo minggu jo laie.

Umo kian meningkat. anak-anak sumo dah bosa panjang. Anak-anak kocik dah tak ado..kok ado anak buah pun tigo ko ompek org jo laie yg masih kocik.

Semoga Ramadhan ini menjadi Ramadhan yang terbaek dari Ramadhan2 sey yang lopeh2. Ghayo tahun ini ala-ala kada jo macam tahun lopeh. Ekonomi masih tak ok laie, walaupun dah bertukar KERAJAAN. Iyolah ..kok nak pulih bukan main snap2 jadi jo macam THANOS jo kan.. Nak melingkup ari tu pun makan maso gak. Harap-harap pulihlah balik ekonomi hondaknyo. Kok tak pulih laie.. harap-harap ado lah yg lain datang menganti.. Yang dulu kok org samo jo pogang..baik tak payah lah ..

Kodai den pulak 2019 ni macam ok sikit sales eh kalau nak kompe mp 2015,16,17..osah gilo ehh..sampai den menjual Shushi lah topi2 jalan dek nak mengambarkan toruk tak toruk ekonomi tu jam. 2018 ke 2019 ni nampak alhamdulillah..boleh bernapeh sikit2 walaupun tak cantik macam 2013,14 Jaman Pak Lah..Osah meriah eh perniagaan den. Apo-apo pun den redo jo ketentuan Ilahi.

Di kesompekkan ini, den nak mengucapkan SELAMAT BERPUASO DAN SELAMAT HARI pado sumo.

Aiti Komputer 2018

Pendakian pertama dalam tahun ini BROGA HILL 2018

Lepas gak naik tadi.. Dah hampir setahun tak naik. Last naik 2017 bulan Feb raso eh.. Sekarang naik naik, dio kiro kepalo..kek bawah..masuk jo..dio kato parking free..tapi masuk kiro kepalo..hampeh..dulu parking rm2.00 jo..kok datang berlimo rm5 le kono tol.

Peh tu kek tongah2..kono laie tol..masuk jo..ado pakar lak..Apek tu ngoba an yg kek bawah tu org lain..siut...itu pun ikut kepalo gak..kok berlimo..rm5 laie..total rm10 ler.



Nak bersenam..bayar jo lah.. poi gym pun skg dah rm10 sekali masuk ..yo dak..



Apo2 pun..den sebona eh nak test camera action SJCAM M20 den ni hah... kiro terbaek ler...